Euskal AE aurrenetakoa da azken hamar urteetan per capita aberastasun gehien sortutako herrialdeen artean.

Prentsa oharra (pdf, 37,29 kb)

Euskal AEko BPG 140,6 izan da 27-EBko batez bestekoaz (indizea=100) 2007an, eros ahalmenaren parekotasunean (EAP). Datuok Eustatek landu ditu Eurostatek 2007an 27-EBko herrialdeentzat egindako lehenengo zenbatespenaren ondoren. Espainiako batez bestekoa 106,9 da.

2007ko per capita euskal BPG Espainiako erkidego guztietako handiena da, ondoren Madril eta Nafarroa datozelarik.

Europar Batasuneko herrialdeekin alderatuz gero Euskal AE hirugarrena da; aurretik Luxenburgo (276,4) eta Irlanda (146,3) daude; ondoren Herbehereak (130,9) eta Austria (128,2). Aurretik denaz, Irlandaz, esan behar da 2006an Euskal AEz zuen tartea (ehuneko 9,6 puntu) ia erdira jaitsi dela, 2007an 5,7koa izan baita.