Justizia, Lan eta Gizarte Segurantza

Familia Zuzendaritza

Agindu honen xedea ondokoa da: Justizia, Lan eta Gizarte Segurantza Sailak 2008ko ekitaldian irabazi asmorik gabeko erakunde pribatuei familiaren arloan eta Familiei Laguntzeko Erakundearteko II. Planaren esparruan programak eta jarduerak egiteko emango dizkien laguntzak arautzea.

Agindu honetan aurreikusitako laguntzak jasoko dituzte 2008ko ekitaldian garatzen diren programek eta jarduerek, ondoko arloen barruan:

a) seme-alabak ardurapean dituzten familien —bereziki egoera ahulean daudenen— bizi-kalitatea hobetzeko helburua dutenak.

b) bizitza pertsonala, familia-bizitza eta lan-bizitza bateragarri egitea sustatzen dutenak.

c) seme-alabak hezi eta zaintzeko bikoteko bi kideen erantzunkidetasuna sustatzen dutenak.

d) emakume eta gizonen arteko benetako berdintasun batetik eratorritako onura pertsonal eta sozialak hedatzera bideratzen direnak.

e) bizitza pertsonala, familia eta lana bateragarri egitearen aldeko neurriak hartzeko beharraren inguruan lan-arloko gizarte-eragileak kontzientziatzearen aldekoak.

f) familia-aniztasuna ezagutu eta errespetatzearen aldekoak.

g) seme-alabak ardurapean dituzten familiek gizartea egituratzeko eta belaunaldien arteko elkartasuna gauzatzeko ezinbesteko eragile gisa gizarteari egiten dioten ekarpena nabarmentzeko helburua dutenak.

h) familiaren arloko indarkeria eta gatazkak murriztearen aldekoak.

i) familia-egitura berriak bultzatzearen aldekoak.

j) Familia Zuzendaritzak interes orkorrekotzat jotzen dituenak, Familiei Laguntzeko Erakunde arteko II. Planaren eremuan duten garrantzi bereziarengatik.

1. Justizia, Lan eta Gizarte Segurantza Sailak aurkezten den programa edo jarduera bakoitzerako onartzen den aurrekontuaren %100era bitartean finantzatu ahal izango du.
   
   
2. Ordainketa zatikatua izango da; %75 emakidaren unean ordainduko da, eta gainerako %25 berriz, egindako gastua justifikatuko duten jatorrizko dokumentuak edo, salbuespen gisa, horien kopia konpultsatuak eta Agindu honen 10a) artikuluan adierazitako memoria, jarduera amaitu eta bi hilabeteko epean aurkeztu ondoren.

AGINDUA, 2008ko martxoaren 5ekoa, Justizia, Lan eta Gizarte Segurantza sailburuarena, 2007ko ekitaldirako Euskal Autonomia Erkidegoan familiaren arloan programak eta jarduerak egiteko diru-laguntzak arautzen dituena eta horietarako deialdia egiten duena. (pdf, 113.26 KB)

Elena Echeberria Ochoa de Alda

Posta elektronikoa:  e-echeberria@ej-gv.es

Agindu honetan jasotzen diren laguntzak eskuratu nahi dituzten entitateek honako agiriak aurkeztu beharko dituzte:

a) Behar bezala betetako eskabide-orria (agindu honekin eranskin gisa doan eskabide-orri normalizatua), gutxienez honako datuak jaso beharko dituena:

1.– Programa edo jarduera deskribatzea, helburuak, baliabide pertsonal eta materialak, garatu beharreko kronograma eta ebaluazio- adierazleak adieraziz.
2.– Programa edo jardueraren egokitasunaren justifikazio arrazoitua.
3.– Programa edo jardueraren esparru geografikoa.
4.– Pertsona hartzaileak.
5.– Programaren edo jardueraren diru-sarrera eta gastuen aurrekontua.
6.– Erakundearen ibilbidea.
7.– Erakundearen jardunen eremu geografikoa.
8.- Erakunde eskatzailearen 2008ko ekitaldiko balantze orokorra.

b) Identifikazio Fiskaleko Kodearen fotokopia. Aurreko ekitaldiko deialdi berean diru-laguntza jaso dutenek ez dute agiri hori aurkeztu beharko.

c) Zerga-betebeharrak beteta dituela egiaztatzen duten egiaztagiri eguneratuak, gehienez, eskabidearen data baino hiru hilabete aurretik emandakoak; bata Foru Ogasunarena, eta bestea, hala badagokio, Gizarte Segurantzako Lurralde Diruzaintzarena, Gizarte Segurantzarekiko betebeharrei buruzkoa. Nolanahi ere, diru-laguntza emateko, egiaztatzeko eta ordaintzeko fase guztietan gai horri buruz eskatzen zaizkion egiaztagiri guztiak aurkeztu beharko ditu onuradunak.

d) Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo diru-laguntzen esparruan hasi eta oraindik izapidetzen ari den edozein itzultze edo zehapen-prozedurari buruzko zinpeko aitormena.

e) Zinpeko aitorpena, honako hau adieraztekoa: erakunde eskatzaileak diru-laguntza edo laguntza publikoak jasotzeko aukera galtzea dakarren zehapen penalik edo administratiborik ez duela jaso, eta horretarako ezgaitzen duen legezko debekuren baten eraginpean ez dagoela.

a) Justizia, Lan eta Gizarte Segurantza Sailaren Lurralde Bulegoetan:

- Arabako Lurralde Ordezkaritz: Samaniego Kalea, 2-2º - 01008 Vitoria-Gasteiz.
- Bizkaiko Lurralde Ordezkaritza: Gran Vía Kalea, 85-7º - 48011 Bilbao.
- Gipuzkoako Lurralde Ordezkaritza: Vitoria-Gasteiz Kalea, 3-3º - 20018 Donostia-San Sebastián.

b) Eusko Jaurlaritzako Justizia, Lan eta Gizarte Segurantza Saileko Familia Zuzendaritzan: Donostia Kalea, 1 - 01010 Vitoria-Gasteiz.

c) Herri Administrazioen Araubide Juridikoaren eta Administrazio-Prozedura Erkidearen azaroaren 26ko 30/1992 Legeko 38.4 artikuluan aurreikusitako lekuetariko edozeinetan.

Ez dago.

Familia Zuzendaritza.

Hiru hilabete

Ezespenezkoak

Ebazpenak ez du administrazio bidea agortzen

Gorako errekurtsoa

Ez dago

Informazio hau orientagarri gisa bakarrik ematen da eta, beraz, honek ez ditu ordezkatzen ezta aldatzen ere prozedura administratiboak erregulatzen dituzten xedapen arautzaileak, eta, ondorioz, ezin ditu sortu berariazko Araudian jasota ez dauden eskubideak edota betebeharrak.

31/03/2008